Shu Uemura日本品牌都有BB Cushion喇

繼前年韓國大熱BB Cushion後，今年日本及歐洲品牌亦相繼推出！之前係Shu的Facebook見到有BB Cushion的優惠，以優惠價HK$462 (原價$660)就可以買到一個粉盒連粉撲，另外再加兩個補充裝，除開都係HK$1xx一個BB Cushion，真係好抵！

試完之後，發覺佢的遮瑕度都OK，上妝之後貼服度算高，幾個鐘後肌膚都Keep到唔出油、透亮有光澤。Shu的官網指出呢個BB Cushion採用了新一代雙層智慧氣墊技術，（智慧控粉網層及智慧粉芯）更易控制粉底液吸收及釋放份量，輕鬆調控妝效。另外，智能啫喱配方，於上妝時化為易推的水質，既均勻貼膚，更可避免粉底乾涸。加上有別於一般氣墊粉撲，植村秀獨特的粉撲表面滿佈幼細絨毛，隨意打造透薄或高度遮暇妝效。有興趣的姊妹都可以去Shu的counter睇下優惠做完未架？