2024年大家有咩旅行大計呀?有無買定機票去睇櫻花呀？我仲未有心水地方呀！大家有無咩好介紹？
上機總係DRY到爆？
講起去旅行，唔知大家有無好似我咁，次次搭飛機皮膚都會好乾，就算係去日本短短地時間都會咁樣，如果化咗妝呢，到步就一定勁浮粉。但人家去旅行要「打卡」架ma，所以每次落機又要重新化妝，真係好煩。
我有問過我d 空姐fd呀，但佢話佢自己就無呢個情況。咁我當然要問佢有無咩秘技啦，於是佢就share
咗空姐最愛嘅機艙護膚5招！唔想落機後肌膚缺水、出油及肌膚暗啞等問題陸續浮現，大家就要留心睇下以下tips啦~
空姐係點樣對抗乾燥機艙？
1.
上機前做好防護
上機前一晚做好護膚措施，建議進行一次磨砂及保濕步驟。磨砂可以將厚重老化角質清除，後續保濕產品吸收力亦會提升，第2日你就可帶住充滿水分嘅皮膚踏上機艙。
2. 多飲水
為了補充流失嘅水分，飲水係最佳方法，可以由內而外補充流失嘅水分。謹記避免濃茶或可樂等含咖啡因嘅飲品，以免打亂休息時間。
3. 避免化妝
在飛機上肌膚都處於水分不足嘅狀態，你更需要進行補濕等步驟，所以化妝可免即免，如果想化妝品也建議於落飛機前30分鐘才化妝，將肌膚嘅負擔減至最低。
4. 帶適當護膚品上機
要對抗乾燥嘅機艙，潤手霜、面霜、保濕噴霧及潤唇膏必不可少。注意不可攜帶超過100 毫升液體上機，以免不能通過安檢。
5. 別忽略防曬隔離
機艙雖然算是室內，但於30,000呎高空沒有雲層阻隔紫外線，所以紫外線侵害遠比地面大，所以謹記於上機前至少半小時前塗好防曬，做好防護措施。
大家次下次上機不妨試下呢D tips 丫~ 又或者你自己有其他秘訣，pm話我知丫 !
沒有留言:
張貼留言