家有喜事！我就快做人阿姨啦~ 開心！仲有幾個月我大家姐就生B啦~希望一切順利啦。
孕婦餐單：孕媽媽飲食好有煩惱！
話說大家姐係第一胎，所以會比較緊張D，加上佢又好擔心生完B之後身材會走樣，但又怕食得少會影響到BB健康；同時又擔心不斷進補會令自己長肉，呢個兩難之處真係令佢唔知點算好。
作為佢妹妹嘅我都唔知可以點幫佢，唯有Google一下有無d「長胎唔長肉」孕婦餐單，搵下大人同小寶寶都健康嘅孕婦餐單。
一Search之下，大神出咗孕婦餐單 Top 3比我，而其中我比呢篇吸引住 >>
原來大肚飲食係有d注意事項，呢篇我覺得幾啱懷孕初期嘅家姐呀~立即send比佢睇睇先！
孕婦餐單：真係可以長胎唔長肉！
家姐留意完懷孕飲食禁忌之後，就可以入手「長胎唔長肉」嘅孕婦餐單。有留意到有d明星真係好似天生麗質咁，就算大個住個肚都好，手腳四肢都仍然纖瘦，真係好神奇，我家姐話都好想好似呢d女星咁~於是又係咁search下d 女星「長胎唔長肉」孕婦餐單。
原來近呢幾年好多外國女星都依照Lean
Protein孕婦餐單，即係要「少吃澱粉質及糖分，多吃精益蛋白質」，呢個懷孕飲食方法神奇女俠Gal
Gadot、及時尚教主Blake Lively都跟足架~
咁Lean Protein孕婦餐單有咩重點呢？精益肉類（Lean
Meat）所指嘅係100克食物中含有少於10克總脂肪、少於4.5克飽和脂肪及少於95毫克膽固醇，而精益蛋白質就係指約每30克的一份蛋白質類食物中，少於2-3克總脂肪。咁即係點呀?有無一d簡易又易明嘅points?
有~幫梗你~幫梗你！簡單D記住以下呢d
points，只要食多d下列食材，就可以喺懷孕期間keep住身型，同時又可以照顧到寶寶健康。
Lean Protein孕婦餐單參考：
1. 魚及雞肉
以低脂肉類取代較多脂肪的紅肉，能減少脂肪攝取。如果選取豬肉，也應選瘦肉。
2. 低脂牛奶或無糖豆奶
優質蛋白質而含有少量脂肪，也可食用雞蛋白，用以增加肌肉，減少體內脂肪。
3. 藜麥、糙米
用以取代白米或澱粉，能同時補充胺基酸及多種維他命。
4. 黑豆、菠菜
鐵質高，能增加血含氧量，令新陳代謝加快。
5. 番薯、綠色蔬菜
間中以番薯來取代主食，能增加膳食纖維，其中的水溶纖維能在腸道中吸附脂肪並帶走。
想「長胎唔長肉」，食精益蛋白質來取代高脂蛋白質或肉類絕對有幫助，重點係易跟、好味又唔洗捱餓，精益蛋白質仲可以減低飢餓感。
呢個孕婦餐單家姐已經Mark低啦！
當然啦，開始孕婦餐單之前真係要問下自己嘅婦產科醫生意見，喺身體健康狀況下先好試啦~
#孕婦餐單 #LeanProtein #長胎唔長肉
沒有留言:
張貼留言