台灣真係一個好地方，地理上又近，只係2小時嘅機程就到，真係好啱快閃。見好耐無飛，所以搵個weekend請幾日假，嚟一個「說走就走的旅行」！
台北車站原來都好好買！
台北真係去得多，我諗大家都好熟啦，除咗西門丁、101、東區、淡水、貓空呢d咁大路嘅景點之外，今次我想講嘅係應該少比人提到嘅台北車站後面嘅商圈 — 華陰街(後火車站商圈)，上個月第1次去，真係驚為天人，原來可以咁好買!!!如果你同我都一樣係購物精，咁呢度都唔好錯過啦，除咗準備好銀包，最重要嘅係腳骨力呀！
捷運坐到台北車站之後往「台北轉運站/京站」方向行，就會見到華陰街出口，一出去之後再順住車道行就到華陰街徒步區，再過承德路斑馬線，對面就係華陰街商圈。
商圈入面真係好多嘢買，精品服飾、皮鞋、化妝品、日用品咩都有，仲有d係專賣日本貨嘅商店，而且價錢都媲美批發價架！
我自己就去咗買d 飾物，d 款都唔差。
如果去台北而好多地方都行唒，近近地喺車站玩都唔錯架！
除咗shopping之外，呢度都好多嘢食，唔洗擔心行到攰無得休息架。
下次去台北，不妨行下華陰街啦~
沒有留言:
張貼留言