之前聽朋友推介Espuma呢間餐廳唔錯，因為地方好坐、價錢合理、食物質素有水準。
今日終於有機會一試， Set Lunch 都幾多選擇，西餐為主，價錢由$108-$168，包括湯/沙律+主菜+甜品+餐飲，加$15可升級特色飲品。絕對唔貴，一百蚊多少少就可以嘆3道菜及餐飲！
前菜是沙律，睇落好似冇咩特別，但蔬菜幾新鮮，麵包粒很脆，芝士碎及沙律醬的份量剛剛好，令人開胃。
主菜我地揀左酥炸軟殼蟹白酒天使麵同燒雞菠蘿芝士墨西哥薄餅。軟殼蟹足一大隻，份量十足，炸粉又唔會過厚，非常鬆脆香口，值得一讚！反而薄餅就比較普通，唯一可取之處應該係餐廳自行調配的牛油果醬，喜愛牛油果人士可以一試！
我加了$15升級熱水果茶及手搖咖啡，原個花茶壼，份量足夠2個人喝，內裡水果亦很多，喝下去酸酸甜甜可消滯，味道就其實同其他台式café差不多。反而咖啡令我驚喜非常，味道非常香濃，喝一口後甘香味久久不散！
最失色的是甜品，芒果雪米糍，似藥水味，皮又厚，完全唔合格！
結論係除甜品外，以呢個價錢係中環享受咁豐富的午餐，絕對值得一試！
餐廳資料：中環威靈頓街2-8號威靈頓廣場M88 17樓 2973 6088
沒有留言:
張貼留言