喜來稀肉Seorae：高質地道韓燒

韓風估唔到會繼續吹，韓食仲越吹越勁，吹到半個尖沙咀都充斥新開嘅韓式餐廳！
出名嘅有李家、Red Chicken、安祖元奶奶雞、韓城、7080、喜來稀肉等等
今次終於仲機會試試喜來稀肉呢家出名嘅韓式燒肉店！



幾鍾意佢呢個上樓設計，去過韓國就知，其實都幾合乎韓國小街餐廳味道。
（因為全程掛住食，冇影相，相片取自網絡，請見諒）



星期六晚11點幾先去到，其實我地已經係當宵夜咁食
環境唔錯，冇7080咁迫….起碼食客們有番d私人空間
加上我地係坐窗邊，涼涼地，幾舒適:)



其實一打開menu心諗：乜淨係得肉同小食食？冇其他野？
但其實食落先知，quality就係咁嚟，唔係咩都有得食就叫做多元化
多元化得嚟都要有品質保證
真正為顧客著想，就係做得精，而我覺得喜來稀肉，絕對做到「精細」。
最後決定叫左招牌護心肉、招牌喜來稀肉、招牌五花肉、韓式拌石頭飯再加白飯一豌



再重申，唔係我影的，但圖中所見其實舊肉唔算大舊，但肉質絕對係正
燒出黎剛剛熟，肉質非常彈口，並能鎖住鮮嫩肉汁，正！
不。得。了！連任加嘅生菜都係新鮮都暈！！
最後我地忍唔住仲將佢剪絲，加埋燒汁炒咗嚟食XDD
唔知有冇人試過咁食？撈飯係一流！



而另外一個加分位就係呢個爐邊蛋！相信唔少人都試過食韓式燒肉嘅爐邊蛋



但sosad嘅係我朋友話我知，食過兩間都唔OK，好似蒸水蛋咁…
相信係因為加得太多水溝稀蛋漿，成件事令我朋友好失望
但Oh my god，但喜來呢個蛋黃%好多，我睇住店員倒出嚟嘅時候，個蛋漿係有張力嘅！



而佢仲幫我地加咗泡菜入去，ROAR！！好香好滑好好味！
成件事撈飯係冇得頂 T_T
我地係食食下石頭飯覺得唔飽所以先加白飯，呢個決定非常明智。
不過其實石頭飯都好好食，天生我就係一個撈飯人
我自問撈得佢真係幾好味（笑），朋友都讚架～～

＊同場加映：我問咗店長oppa拎濕紙巾用，原來佢都幾似方大同，好cute，哈哈。

真係餓住個胃嚟，飽到頂頸走！