【減肥減到有脫髮危機，港女Attention!】
唔通減肥同防脫髮真係魚與熊掌不可兼得?
營養師曾經講過，每條頭髮既營養都係來自頭皮上既血管，如果要頭髮健康，應該從身體攝取足夠養份，而減肥脫髮既主要原因正正就係缺乏營養！好多人減肥既時候，為左快啲見效同瘦身，通常都會節食，例如唔食五穀澱粉同肉類等等。但係咁樣就會造成飲食不均衡，令到頭髮吸收唔到足夠既營養，從而令頭根變弱，形成脫髮問題。加上減肥期間很容易會感到有壓力及情緒失落，而導致出現壓力性脫髮亦唔出奇。所以減肥同脫髮既關係其實都幾密切，更唔好因為減肥而忽略左脫髮帶黎既後果同護髮既重要性。
但係咪減肥同防脫髮真係魚與熊掌不可兼得呢？又未必！對抗脫髮問題，你可以係飲食上加多少少心思，利用以下呢4大「髮補」由內開始護髮：
1.
蛋白質：頭髮的本質是角蛋白，如果減肥既時候因為節食而出現令蛋白質攝取過低，就會抑制頭髮既生長，從而導致脫髮問題。因此，即使要減肥，咁多位sis都記住要攝取足夠既蛋白質，例如食雞胸肉同烚蛋等低熱量又含豐富蛋白質既食物，以防減肥而衍生脫髮問題。
2.
奧米加3脂肪酸：好多減緊肥既人都會戎戒食煎炸油膩既野，特別係脂肪，但就忽略左脂肪酸係可以滋潤頭髮呢一點。如果身體無攝取足夠既脂肪，就會令油脂失衝，從而令到頭皮乾旱、頭髮易斷，加劇脫髮問題既發生。網上有啲護髮早餐e.g.三文魚BAGEL既食譜流傳，sis可以參考下。
3.
維他命A：有效平衝頭皮油脂，從而預防脫髮問題，含維他命A既食物有：紅蘿蔔、南瓜、番茄等等。網上有啲護髮飲品e.g.羅勒蘋果紅蘿蔔既食譜流傳，sis可以參考下 。
4.
維他命E ：可以促進新陳代謝，有助血液循環令營養輸送到頭髮，有效生髮活髮。網上有啲護髮小食e.g.肉桂香蕉多士，sis可以參考下 。
總之，只要有心，減脫同防脫髮係可以兼得架！
